Sunday, July 22, 2007

ട്രേസ്റൂട്ട്

കംപ്യൂട്ടര്‍ ശ്രംഖലകളില്‍ ഉപയോഗിക്കുന്ന ഒരു സങ്കേതമാണ് ട്രേസ്റൂട്ട്. ഇതുപയോഗിച്ച് ഒരു ഡേറ്റ പാക്കറ്റ് കംപ്യൂട്ടര്‍ ശ്രംഖലകളില്‍കൂടി സഞ്ചരിക്കുന്ന വഴി കണ്ടുപിടിക്കാന്‍ സാധിക്കും. ഐ.പി6(IPv6) നു വേണ്ടി ട്രേസ്റൂട്ട് 6 ലഭ്യമാണ്.

എല്ലാ യൂണിക്സ് (Unix) ഓപറേറ്റിങ് സിസ്റ്റങ്ങളിലും ട്രേസ്റൂട്ട് ലഭ്യമാണ്. പുതിയ ലിനക്സുകളില്‍ ഈ സങ്കേതം ട്രേസ്‌പാത്ത്(tracepath) എന്നപേരില്‍ ലഭ്യമാണ്. വിന്‍ഡോസില്‍ ട്രേസേര്‍ട്ട്(tracert), പാത്ത്പിങ്ങ്(pathping) എന്ന പേരുകളില്‍ ഇത് ലഭ്യമാണ്.

പ്രവര്‍ത്തനം
-----------------------------------------------------------------------------------------------------------------------------------------------------------
ഒരു നെറ്റ്വര്‍ക്കിലൂടെ അയയ്ക്കുന്ന ഡേറ്റ പാക്കറ്റുകളുടെ ടി.ടി.എല്‍(Time-To-Live )മൂല്യം കൂട്ടിയാണ് ട്രേസ്റൂട്ട് പ്രവര്‍ത്തിക്കുന്നത്.ആദ്യം അയയ്ക്കുന്ന മൂന്ന് പാക്കറ്റുകളുടെ ടി.ടി.എല്‍ മൂല്യം 1 ആയിരിക്കും. അതുപോലെ അടുത്ത മൂന്ന് പാക്കറ്റുകളുടെ ടി.ടി.എല്‍ മൂല്യം 2 ആയിരിക്കും. ഈ പ്രക്രിയ ഇങ്ങനെതന്നെ തുടരുന്നു. ഇങ്ങനെ അയയ്ക്കുന്ന ഡേറ്റ പാക്കറ്റുകള്‍ നെറ്റ്വര്‍ക്കിലെ ഏതെങ്കിലും ഒരു കംപ്യുട്ടറിലൂടെ കടന്നുപോകുമ്പോള്‍ അതിന്റെ ടി.ടി.എല്‍ മൂല്യം 1 കുറയുന്നു. എപ്പോഴെങ്കിലും ടി.ടി.എല്‍ മൂല്യം 1 ഉള്ള ഒരു ഡേറ്റ പാക്കറ്റ് ഒരു കംപ്യൂട്ടറിലെത്തിയാല്‍ ആ കംപ്യൂട്ടര്‍ ഡേറ്റ പാക്കറ്റ് അയച്ച കംപ്യൂട്ടറിന് ഐ.സി.എം.പി (ICMP) സന്ദേശം മറുപടിയായി അയയ്ക്കുന്നു. ട്രേസ്റൂട്ട് ഈ ഡേറ്റ പാക്കറ്റുകളുപയോഗിച്ച് ഇവ സഞ്ചരിച്ച വഴികണ്ടുപിടിക്കുന്നു എന്നിട്ട് ഇതിനിടയിലുള്ള എല്ലാ നെറ്റ്വര്‍ക്കിങ് സംവിധാനങ്ങളും ക്രമീകരിച്ച് നല്‍കുന്നു. ഏതെങ്കിലും കാരണവശാല്‍ അയച്ച ഡേറ്റപാക്കറ്റ് തിരിച്ച് വന്നില്ലെങ്കില്‍ അവിടെ ഒരു * ചിഹ്നം കാണിക്കുന്നു.

ഉദാഹരണം
----------------------------------------------------------------------------------------------------------------------------
195.80.96.219(kauge.aso.ee) എന്ന ഐ.പി(I.P) വിലാസത്തില്‍ നിന്നും 130.94.122.199 (larousse.wikipedia.org) എന്ന ഐ.പി(I.P) വിലാസത്തിലേക്ക് പോകുന്ന ഡേറ്റ പാക്കറ്റിന്റെ പാത്ത് ഇവിടെ ട്രേസ് ചെയ്തിരിക്കുന്നു.

വിന്‍ഡോസിലെ നിര്‍ദേശം: tracert 130.94.122.199
ലിനക്സിലും മാകിലും : traceroute 130.94.122.199

1 et-gw.aso.ee
2 kjj-bb2-fe-0-1-4.ee.estpak.ee
3 noe-bb2-ge-0-0-0-1.ee.estpak.ee
4 s-b3-pos0-3.telia.net
5 s-bb1-pos1-2-0.telia.net
6 adm-bb1-pos1-1-0.telia.net
7 adm-b1-pos2-0.telia.net
8 p4-1-2-0.r00.amstnl02.nl.bb.verio.net
9 p4-0-3-0.r01.amstnl02.nl.bb.verio.net
10 p4-0-1-0.r80.nwrknj01.us.bb.verio.net
11 p4-0-3-0.r00.nwrknj01.us.bb.verio.net
12 p16-0-1-1.r20.mlpsca01.us.bb.verio.net
13 xe-1-2-0.r21.mlpsca01.us.bb.verio.net
14 xe-0-2-0.r21.snjsca04.us.bb.verio.net
15 p64-0-0-0.r21.lsanca01.us.bb.verio.net
16 p16-3-0-0.r01.sndgca01.us.bb.verio.net
17 ge-1-2.a03.sndgca01.us.da.verio.net
18 larousse.wikipedia.org

ഉപയോഗങ്ങള്‍
--------------------------------------------------------------------------------------------------------------------------------------------------------------------
പിങ്ങ് പോലെതന്നെ നെറ്റ്വര്‍ക്കിലെ പ്രശ്നങ്ങള്‍ പരിഹരിക്കുന്നതിനാണ് ട്രേസ്റൂട്ടും ഉപയോഗിക്കുന്നത്. ഡേറ്റ പോകുന്ന വഴിയിലെ റൂട്ടറുകളും മറ്റും കാണാന്‍ സാധിക്കുന്നതിനാല്‍ നെറ്റ്വര്‍ക്ക് പ്രശ്നങ്ങള്‍ പരിഹരിക്കാന്‍ ഇത് തികച്ചും അനുയോജ്യമാണ്. ഒരു നെറ്റ്വര്‍ക്കിലെ ഫയര്‍വാളുകള്‍ കണ്ടുപിടിക്കാനും ഇത് ഉപയോഗിക്കാം. ഇന്റര്‍നെറ്റില്‍ നിന്ന് നമുക്കാവിശ്യമായവ ഡൗണ്‍ലോഡ് ചെയ്യുന്നതിന് ട്രേസ്റൂട്ട് വളരെ ഫലപ്രദമായി ഉപയോഗിക്കാന്‍ സാധിക്കും. എങ്ങനെയെന്നാല്‍ ഒരു ഡേറ്റക്ക് തന്നെയുള്ള മിറര്‍ ഡേറ്റയെ കണ്ടെത്താനും അതുവഴി വേഗത്തില്‍ ഡേറ്റ ഡൗണ്‍ലോഡ് ചെയ്യാനും സാധിക്കുന്നു.

സുരക്ഷാ പ്രശ്നങ്ങള്‍
--------------------------------------------------------------------------------------------------------------------------------------------------------------------
ഇന്റെര്‍നെറ്റ് പ്രചാരത്തില്‍ വന്നുകൊണ്ടിരുന്ന ആദ്യകാലങ്ങളില്‍ നെറ്റ്വര്‍ക്കിലെ പ്രശ്നങ്ങള്‍ കണ്ടെത്താനുള്ള ഒരു നല്ല മാര്‍ഗമായിരുന്നു ട്രേസ്റൂട്ട്. പക്ഷേ ഇന്ന് ഇന്റര്‍നെറ്റ് ഇത്രയും വ്യാപകമായ കാലത്ത് ട്രേസ്റൂട്ടിനെ സംശയദ്രഷ്ടിയോടെ മാത്രമേ നമുക്ക് കാണാന്‍ സാധിക്കൂ. കാരണം ട്രേസ്റൂട്ട് വഴിലഭിക്കുന്ന വിവരങ്ങള്‍ ഹാക്കര്‍മാര്‍ക്ക് വളരെ ഉപയോഗപ്രദമായി മാറാറുണ്ട്. ട്രേസ്റൂട്ട് ഉപയോഗിച്ച് ഒരു ഹാക്കര്‍ക്ക് ഒരു സ്ഥാപനത്തിന്റെ നെറ്റ്വര്‍ക്കിന്റെ രൂപരേഖ തയ്യാറാക്കാനും അതുവഴി ആ നെറ്റ്വര്‍ക്കിനെ ആക്രമിക്കാനും സാധിക്കുന്നു.
ഇക്കാരണങ്ങള്‍ കൊണ്ട് 1990 മുതല്‍ പല പ്രമുഖ വെബ് സൈറ്റുകളും ട്രേസ്റൂട്ട് അഭ്യര്‍ഥനകളെ പൂര്‍ണമായും ഒഴിവാക്കി.

ഉദ്ഭവം
--------------------------------------------------------------------------------------------------------------------------------------------------------------------
1987-ല്‍ വാന്‍ ജേക്കബ്‌സണ്‍(Van Jacobson) എന്നയാളാണ് ഇത് നിര്‍മിച്ചത്. സ്റ്റീവ് ഡീറിങ്(Steve Deering), സി. ഫിലിപ് വുഡ്(C. Philip Wood), ടിം സീവര്‍(Tim Seaver), കെന്‍ അഡല്‍മാന്‍(Ken Adelman) തുടങ്ങിയവരും ഇതുനുവേണ്ടി പ്രവര്‍ത്തിച്ചവരാണ്.

പുറത്തേക്കുള്ള കണ്ണികള്‍
--------------------------------------------------------------------------------------------------------------------------------------------------------------------
http://tools.ietf.org/html/rfc792 ഐ.സി.എം.പി.
http://www.traceroute.org/ എല്ലാ മാസവും പുതുക്കിക്കൊണ്ടിരിക്കുന്ന ഓണ്‍ലൈന്‍ ട്രേസ്റൂട്ടുകള്‍.
http://www.hostmasterwebtools.com/visual-traceroute/ ഗൂഗിള്‍ മാപിനെ അടിസ്ഥാനപ്പെടുത്തിയുള്ള് ട്രേസ്‌റൂട്ട്.

1 comment:

ടിന്റുമോന്‍ said...

nice post dude. learn a lot of things which i dint knw bot tracert. keep on posting more about computer suraksha .. cheers